Agenda - Y Pwyllgor Deisebau

Lleoliad:

Ystafell Bwyllgora 3 - y Senedd

Dyddiad: Dydd Llun, 29 Ionawr 2024

Amser: 14.00
I gael rhagor o wybodaeth cysylltwch a:

Gareth Price - Clerc y Pwyllgor

0300 200 6565

Deisebau@senedd.cymru

Hybrid

------

<AI1>

1       Cyflwyniad, ymddiheuriadau, dirprwyon a datgan buddiannau

                                                                                                                          

Croesawodd y Cadeirydd bawb i’r cyfarfod.

 

Derbyniwyd ymddiheuriadau gan Rhys ab Owen AS.

 

Cafwyd ymddiheuriadau gan Buffy Williams AS.

 

Roedd Mike Hedges AS yn bresennol yn y cyfarfod yn dirprwyo ar ran Buffy Williams AS.

</AI1>

<AI2>

2       Deisebau newydd

                                                                                                                          

</AI2>

<AI3>

2.1     P-06-1381 Gwrthodwch bob cynllun ar gyfer Taliadau Defnyddwyr Ffyrdd, Parthau Atal Tagfeydd ac Ardollau Parcio mewn Gweithleoedd yng Nghymru

                                                                                                                        

Trafododd y Pwyllgor y ddeiseb a nododd fod Llywodraeth Cymru yn glir ynghylch ei chynlluniau.  

Nid oes unrhyw gynlluniau ar y gweill i gyflwyno taliadau cyffredinol ar gyfer modurwyr, a byddai cynlluniau o'r fath ond yn cael eu cyflwyno i fynd i'r afael â mannau problemus o ran llygredd aer.  Nododd Joel James AS bryderon am yr effaith y gallai unrhyw daliadau yng Nghaerdydd yn y dyfodol ei chael ar ei etholwyr sy’n cymudo i’r ddinas. Fodd bynnag, cytunodd yr Aelodau i gau’r ddeiseb, o ystyried nad oedd unrhyw beth pellach y gallent ei wneud, a diolch i’r deisebydd.

</AI3>

<AI4>

2.2     P-06-1382 Dylid gwahardd rhyddhau balwnau

                                                                                                                        

Trafododd y Pwyllgor y ddeiseb a nododd fod Llywodraeth Cymru yn gweithio gyda sefydliadau i annog newid diwylliannol ac ymddygiadol, yn hytrach na chyflwyno gwaharddiad llwyr. Yng ngoleuni'r ymateb hwn, nid yw'n glir beth arall y gall y Pwyllgor ei wneud i fwrw ymlaen â'r ddeiseb. Cytunodd yr Aelodau i ddiolch i'r deisebydd am dynnu sylw at y mater pwysig hwn a chau'r ddeiseb.

</AI4>

<AI5>

2.3     P-06-1387 Darparu cymorth dyngarol i Gaza

                                                                                                                        

Trafododd y Pwyllgor y ddeiseb a chytunodd i ysgrifennu yn ôl at y Gweinidog i gadarnhau a fyddai'n ystyried darparu cymorth dyngarol os bydd y Pwyllgor Argyfyngau Brys yn lansio apêl. Gwnaeth yr Aelodau annog y Gweinidog hefyd i gyfarfod â'r elusennau dyngarol sy'n ymwneud ag apêl y Pwyllgor Argyfyngau Brys yng Nghymru.

</AI5>

<AI6>

2.4     P-06-1388 Dileu’r gofyniad i ffermwyr gael o leiaf 10 y cant o orchudd coed i allu manteisio ar y Cynllun Ffermio Cynaliadwy newydd

                                                                                                                        

Trafododd y Pwyllgor y ddeiseb a chytunodd i ysgrifennu at Gadeirydd Pwyllgor yr Economi, Masnach a Materion Gwledig a Chadeirydd y Pwyllgor Newid Hinsawdd, yr Amgylchedd a Seilwaith i dynnu sylw at y ddeiseb hon ac i ofyn a ellir ystyried hyn fel rhan o unrhyw waith yn y dyfodol ar y Cynllun Ffermio Cynaliadwy.

 

Nododd yr Aelodau hefyd y bydd Pwyllgor yr Economi, Masnach a Materion Gwledig yn cynnal ymchwiliad undydd i gynllyn Cyswllt Ffermio ar 22 Chwefror.

 

Yng ngoleuni’r gwaith sy’n debygol o gael ei wneud gan Bwyllgorau eraill ar y mater, cytunodd yr Aelodau i gau’r ddeiseb a diolch i’r deisebydd.

</AI6>

<AI7>

2.5     P-06-1389 Cyflwyno terfyn cyflymder o 30mya ar y gefnffordd trwy bentrefi Eglwys-fach a Ffwrnais

                                                                                                                        

Trafododd y Pwyllgor y ddeiseb a chytunodd i ysgrifennu yn ôl at y Dirprwy Weinidog i rannu ymateb manwl y deisebydd ac i wneud yr hyn a ganlyn:

 

gofyn am yr amserlen ar gyfer cyhoeddi’r canllawiau Gosod Terfynau Cyflymder Lleol newydd yng Nghymru, ac a fydd blaenoriaeth yn cael ei rhoi i adolygu’r terfyn cyflymder yn Eglwys Fach a Ffwrnais.

</AI7>

<AI8>

2.6     P-06-1390 Rhoi diwedd ar bob bwyd â chymhorthdal yn y Senedd ac i staff Llywodraeth Cymru yn gyffredinol

                                                                                                                        

Trafododd y Pwyllgor y ddeiseb a chytunodd i

ysgrifennu at Gomisiwn y Senedd a Llywodraeth Cymru i ofyn am eu barn ar y ddeiseb.

</AI8>

<AI9>

2.7     P-06-1393 Dylid grymuso rhieni i ddewis: Yr hawl i gael eithriad a chyfranogiad cynhwysol yn y rhaglen Addysg Cydberthynas a Rhywioldeb

                                                                                                                        

Trafododd y Pwyllgor y ddeiseb a chydnabod pryderon gwirioneddol rhieni, ond nododd fod Llywodraeth Cymru wedi ymgynghori'n helaeth ar y cwricwlwm Addysg Cydberthynas a Rhywioldeb a bod gwaith craffu manwl wedi'i wneud arno yn y Senedd. Yng ngoleuni hyn, nid yw’r Aelodau’n credu ei bod yn briodol cymryd unrhyw gamau pellach ar y ddeiseb a chytunwyd i’w chau.

 

Yn ogystal â chau'r ddeiseb, awgrymodd yr Aelodau y dylai rhieni gysylltu â'u hysgolion unigol, Byrddau Llywodraethwyr ac awdurdodau lleol mewn perthynas â phryderon ynghylch cyfathrebu effeithiol a defnyddiol ynghylch cyflwyno'r cwricwlwm.

</AI9>

<AI10>

3       Y wybodaeth ddiweddaraf am ddeisebau blaenorol

                                                                                                                          

</AI10>

<AI11>

3.1     P-06-1353 Datganoli cyfrifoldebau a chyllidebau ar gyfer cefnffyrdd yng ngogledd Cymru i ogledd Cymru

                                                                                                                        

Datganodd Jack Sargeant AS y buddiant perthnasol a ganlyn o dan Reol Sefydlog 17.24A:

Mae'n adnabod y deisebydd.

 

Trafododd y Pwyllgor y ddeiseb a nododd fod y Gweinidog yn glir yn ei ymateb nad oes unrhyw gynlluniau i ddatganoli cyfrifoldebau i Ogledd Cymru. Yn sgil hyn, cytunodd y Pwyllgor i gau’r ddeiseb a diolch i’r deisebydd.

</AI11>

<AI12>

3.2     P-06-1345 Dylid gwneud cynlluniau rheoli cadwraeth yn orfodol ar gyfer henebion cofrestredig sydd mewn perygl fel Castell Rhiw'r Perrai

                                                                                                                        

Trafododd y Pwyllgor y ddeiseb a nododd fod y deisebwyr bellach wedi cael canlyniad llwyddiannus, ar ôl i CADW gytuno i ariannu gwaith arolygu hanfodol yng Nghastell Rhiw'r Perrai.

 

O ganlyniad cytunodd yr Aelodau i gau’r ddeiseb ar hyn o bryd a llongyfarch y deisebwyr ar eu hymgyrch lwyddiannus, gan ddymuno’n dda iddynt gyda’u hymdrechion yn y dyfodol i achub yr adeilad hanesyddol hwn.

</AI12>

<AI13>

3.9     P-06-1348 Comisiynu gwasanaethau GIG addas yng Nghymru ar gyfer pobl ag EDS neu anhwylderau sbectrwm hypersymudedd

                                                                                                                        

Datganodd Mike Hedges AS y buddiant perthnasol a ganlyn o dan Reol Sefydlog 17.24A:

 

Ef yw cadeirydd y grŵp trawsbleidiol ar glefydau prin.

 

Datganodd Joel James AS y buddiant perthnasol a ganlyn o dan Reol Sefydlog 17.24A:

 

Mae ganddo aelodau o'r teulu sydd â’r cyflwr.

 

Trafododd y Pwyllgor y ddeiseb a nododd, er bod y deisebwyr yn croesawu’r cynnydd a’r cyfle i weithio gyda’r rhwydwaith strategol cenedlaethol ar gyfer cyflyrau cyhyrysgerbydol a’r rhwydwaith gweithredu clefydau prin, fod ganddynt rai cwestiynau pellach yr hoffent gael ateb iddynt. Yng ngoleuni hyn cytunodd yr Aelodau i ysgrifennu yn ôl at y Gweinidog Iechyd a Gwasanaethau Cymdeithasol i ofyn am atebion i'r cwestiynau a godwyd gan y deisebwyr.

</AI13>

<AI14>

3.4     P-06-1352 Cymeradwyo adeiladu trydedd bont dros y Fenai

                                                                                                                        

Datganodd Peredur Owen Griffiths AS y buddiant perthnasol a ganlyn o dan Reol Sefydlog 17.24A:

 

Mae ganddo aelodau o'r teulu sy'n byw yn yr ardal.

 

Datganodd Mike Hedges AS y buddiant perthnasol a ganlyn o dan Reol Sefydlog 17.24A:

 

Mae ei ferch yn croesi'r bont yn ddyddiol.

 

Trafododd y Pwyllgor y ddeiseb a chytunodd i'w chadw ar agor nes y ceir ymateb gan y Gweinidog i'r adroddiad.

</AI14>

<AI15>

3.5     P-06-1357 Llunio Cynllun Gweithredu Microblastigau newydd i Gymru?

                                                                                                                        

Trafododd y Pwyllgor y ddeiseb a chytunodd i'w chadw ar agor a gofyn i'r deisebydd roi'r wybodaeth ddiweddaraf i'r Pwyllgor ar ôl iddo gyfarfod â swyddogion Llywodraeth Cymru.

</AI15>

<AI16>

3.6     P-06-1366 Adfer y cyllid ar gyfer gwasanaethau Bysiau Cwm Taf 351 (Dinbych-y-pysgod i Bentywyn) a 352 (Dinbych-y-pysgod i Gilgeti)

                                                                                                                        

Trafododd y Pwyllgor y ddeiseb a nododd fod yr awdurdod lleol wedi gwneud trefniadau i adfer rhai o'r gwasanaethau yr oedd pryderon eu bod wedi cael eu colli.

 

Nododd yr Aelodau hefyd y bydd y Pwyllgor yn siarad â gweithredwyr trafnidiaeth gyhoeddus ar ôl hanner tymor mewn perthynas â deisebau eraill, ac y bydd yn codi rhai o'r heriau sy'n wynebu'r sector bysiau. Yn sgil hyn, cytunodd y Pwyllgor i gau’r ddeiseb a diolch i’r deisebydd.

</AI16>

<AI17>

3.7     P-06-1370 Achub y ddarpariaeth mân anafiadau dros nos yn Ysbyty Nevill Hall yn y Fenni

                                                                                                                        

Trafododd y Pwyllgor y ddeiseb a nododd benderfyniad y Bwrdd Iechyd, gan nodi bod hyn i bob pwrpas yn dod â'r ddeiseb i ben yn naturiol. Cytunodd yr Aelodau i ddiolch i'r deisebwyr am eu hymgyrch gref, a'u geiriau caredig am y Pwyllgor, a chau'r ddeiseb.

</AI17>

<AI18>

3.8     P-06-1373 Dylid atal Llywodraeth Cymru rhag gwastraffu £4 miliwn ar ddatblygiad preifat “Skyline” ar Fynydd Cilfái, Abertawe

                                                                                                                        

Trafododd y Pwyllgor y ddeiseb a chytunodd i'w chadw ar agor ac aros am ganlyniad y cais cynllunio.

</AI18>

<AI19>

4       Cynnig o dan Reol Sefydlog 17.42(ix) i benderfynu gwahardd y cyhoedd o weddill y cyfarfod

                                                                                                                          

Derbyniwyd y cynnig.

</AI19>

<TRAILER_SECTION>

</TRAILER_SECTION>

<LAYOUT_SECTION>

1.          FIELD_TITLE

FIELD_FOOTNOTE                                                                                                                                      F_PR

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.          FIELD_TITLE

FIELD_FOOTNOTE                                                                                                                                      F_PR

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

FIELD_FOOTNOTE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_FOOTNOTE

FIELD_SUMMARY

</TITLED_COMMENT_LAYOUT_SECTION>

 

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1.             FIELD_TITLE

FIELD_FOOTNOTE                                                                                                                                      F_PR

FIELD_SUMMARY

</SUBNUMBER_LAYOUT_SECTION>

 

<TITLE_ONLY_SUBNUMBER_LAYOUT_SECTION>

2.2.             FIELD_TITLE

FIELD_FOOTNOTE                                                                                                                                      F_PR

</TITLE_ONLY_SUBNUMBER_LAYOUT_SECTION>